Tuesday, September 16, 2014

Die man wat wag

Ek gaan terug na die straathoek waar ek jou eers ontmoet het
waar ek sal uitkamp in die buitelug met 'n boks vir 'n bed.
Met woorde op 'n ou stuk van 'n boks
en sê vir die verbyganers; "Ek is op soek na hierdie vrou."

Party mense wil my geld gee, hulle verstaan nie my plan
ek is nie broke nie, net 'n gebroke hart in 'n man.
Ek weet dit maak nie sin nie maar wat anders doen ek nou?
Hoe gaan ek aanbeweeg as ek steeds lief is vir jou?

Want eendag as jy opstaan en na my ook veralang
en jou hart begin wonder waar op aarde ek nog gaan
dink ek jy sal terugkom na waar ons eers ontmoet het
en daar sal jy my kry op die straathoek waar ek lê.

Die polisie sê vir my ek moet hierso weg gaan, ek moet loop of ry
en ek antwoord dat ek vir iemand daar wag, so lank as nodig sal ek net heir bly.
Ek moet my pos daar bekleë, kom maar wind, weer of sneeu
as sy haar besluit wil verander is dit waar jy my gaan kry.

Mense sal praaat oor die man wat wag vir die vrou
sonder gate in sy skoene maar 'n krater in sy hart
en miskien raak ek beroemd as die man wat nie wou loop
en miskien sien jy my êrens op 'n tv nuusflits
en kom jy na my gehardloop op die hoek waar ek wag.

Wednesday, June 25, 2014

Ek het jou hier nodig!!!

Ek wag vir jou oproep, ek is siek, ek is leeg,
bel nou net dat ek jou stem kan hoor en weer kan leef.
Ek luister na die liedjie wat ek somtyds vir jou sing
in die kar, onthou jy dit, die kosmos blomme, vroeë winter,
die woorde, oor-en-oor, net soos wanneer ek jou sien.
Want ek is gemaak om jou lief te hê
en dink net hoe om jou myne te maak.
Bel my net vanaand.

Naak en skoon, ek is nuut, ek is heel,
ek voel weer so vol lewe, jy en ek, vlees tot vlees,
elke asem wat jy neem wanneer jy langs my sit
sal lewe bring aan my diepste hoop, wat is jou drome,
deel dit mee, dat ek kan weet en dit kan gee.
Want ek is gemaak om jou lief te hê
en ek sal altyd hier wees, as jy wou.
Praat met my vanaand.
Ek is moeg vir die alleenheid in my kop,
hierdie leemte maak my lus om huistoe te kom
want waar jy is, is waar my huis is.
Ek weet goed, alles wat jy soek is nie nou wat jy het nie,
maar ek weet ek kan dit gee en vir jou leef.
Want ek is gemaak om jou lief te hê
en ek sal alles gee om jou myne te maak.
Kom wees met my vanaand.

Saturday, March 22, 2014

Verlange

Ek dink aan jou as dit reën,
as die sonskyn en wolke weggaan.
Ek dink aan jou as dit aand is,
of dag is as ek weer opstaan.

Ek dink aan jou as ek uitgaan,
of aande alleen dan tuis bly.
Ek dink aan jou in my werkstyd,
of selfs as ek net huistoe ry.

Ek dink aan die tyd as ons saam was,
die dae en die nagte met jou.
Aan wat alles daar nog gaan wees,
soos ons nou ons lewe saam bou.

Ek weet nie waarom dit is nie,
hoekom jy in my denke bly dwaal.
Die warmte, passie en vrede,
wat nou altyd in my hart rondmaal.

Ek wil so graag wees waar jy nou is
om jou gesig in glimlag t'sien straal
en ek weet hoe ek nou alles sal gee
sodat ek jou nou kan kom haal.

Friday, February 14, 2014

My Athena

Die vae dowwe lig van die vroë-oggendson
sif sagweg deur die gordyn voor jou deur,
wyl jou asem stewig-stadig
sagkens deur jou lippe skeur.
Die horlosie klik, klik teen jou kombuismuur
soos die sekondes te vinnig marseer
en my hart stukkies-breek
in die oomblik wat ek dit alles wil keer.

Jou lyfie lê styf in my arms
met laasnag se gebeure in my kop te lees
en ek weet in die diepste dele van my
dat ek presies gemaak is om hier te wees.
Die hartskeurende verhaal van my lewe
wat nog altyd swaar op my skouers rus,
my daagliks laat voel soos ou Atlas
is vir die oomblik, heeltotaal verlig.

Ek vryf met my vingers die patrone
oor die sagte rondings van jou vel,
en laat my toe vir die oomblik wat heers
dat ek kan glo jy kan my verlos van my hel.
In daardie vroeg-oggend oomblik
wyl jou lyf diepwarm vleg teenaan my
besef ek dat as ek net een ding kon vra,
dit sou wees dat dit net so kon bly.

Vir 'n oomblik in daardie gewaand,
met ons klere oral om ons gestrooi
met my hart en my siel so gelukkig
met jou in my arms, so mooi,
vra ek saggies die heelal hier om my
vir net een klein ding hierdie dag
vir my eie wys-godin Athena
om myne te wees, van nou af.

Tuesday, February 4, 2014

om middernag

en dit begin..
êrens om middernag,
of daar rond, toe ek myself verloor
vir 'n oomblik of twee...

en jy staan in die skemer lig,
daar speel 'n song op die radio,
die klavier 'n melankoliese klankbaan vir jou lag,
in die swart rok wat jy dra onthou ek,
ek het haar tog lank laas gesien...

en ek sien haar loer...
sy lag en sy dans en sy draai en sy maai,
hou haar drankie voor haar uit soos 'n skild.
Skielik stop tyd om my soos sy stop en vra hoe dit met my gaan.
die parfuum hang 'n wolk om haar
en ek onthou, haar nakend in my arms toegevou...

en so bars die damme in my hart,
en my emosies spoel oor die walle,
en al die herineringe stroom soos golwe in my kop
van die krul van ons lywe soos twee sirkels van 'n agt gevou
en ek voel hopeloos, en huisloos en verlore in die waas van die wyn

en sy loop uit
met iemand wat ek nie ken
maar sy maak seker ek sien haar, sy kyk regdeur my
soos sy by die deur uitlstap
die bloed begin te kook in my are en my maag draai in knope.
My vriende vra my wat makeer, "jy lyk of jy 'n spook gesien het"

en ek loop
onder die straatligte
te dronk om te besef hoe almal my agterna staar
ek gee nie om hoe ek lyk nie
die wêreld val om my uitmekaar...

ek moet haar sien
al weet ak dat dit my in die middel deur sal skeur
ek moet haar sien

Jy Is Sterk...

Ons vertel vir iemand dat hulle "sterk" is wanneer hulle pyn vir ons ongerieflik is en ons eerder wens dat hulle sal stilbly en ons nie daarmee pla nie. Om te sê "maar jy is sterk" is om vir iemand te sê "ek dink nie dat moet voel soos wat jy voel nie," en dit is nie 'n kompliment nie. Ek dink nie dat om sterk te wees jou onkwesbaar maak nie. Die valse geloof dat stilte en stoiisme inherente goeie eienskappe is, is hoe jy opeindig met 'n masker en 'n krieketkolf in 'n agterstraatjie erens besig om kriminele op te donder - dit is nie 'n goeie padjie na emosionele welstand daardie nie.

Wees hartseer, wees kwaad, laat jou hart breek - in die restaurant, op iemand se bank, in die park, oppad dieretuin toe, tydens ontbyt, oor drankies, in die sielkundige se kantoor, op die bus, waarookal dit breek, laat dit heeltemal oopval, laat dit by jou uitstroom en afstroom en uitsprei in 'n klam poel by jou voete. Sê, "Ek is jammer, ek kan nie vandag na jou luister nie, my hart is stukkend, sit asseblief by my en laat my toe om jou daarvan te vertel." Sê, "Ek kan nie vandag na jou omsien nie maar jy kan so bietjie na my omsien, en dalk more sal ek weer na jou omsien en ons kan so uitruil vir 'n rukkie."

Sê, "Ek is lief vir jou en ek is gek daaroor dat jy dink dat ek sterk is, maar ek voel nie vandag lus om sterk te wees nie, ek voel lus om kwaad en mal en hartseer te wees. Kan ons na die flieks toe gaan of net heir sit in stilte of loop of praat daaroor of nie daaroor praat nie?" Jou vriende gaan dalk bang raak as jy hierdie doen, as jy, die "sterk" ene kan breek, wat betken dit vir hulle? Dit is hoekom hulle terugstoot teen jou en jou probeer herinner aan jou "sterkwees" wanneer wat jy regtig kort is vir hulle om by jou te staan in jou pyn en jou swakheid. Hulle hoef nie die pein op te los nie, hulle moet net getuienis wees van jou pyn. Miskien weet hulle nie hoe om dit te doen nie - baie mense weet nie wat om te doen wanneer hulle gekonfronteer word met iemand anders se pyn nie. Hulle wil dit regmaak en wanneer hulle dit nie kan regmaak nie voel hulle onvoldoende. As die "sterk" een kan jy hulle help deur om net te sê "Jy hoef dit nie reg te maak nie. Jy hoef niks te doen nie. Wees net by my en luister en hê my lief en ek sal jou terug liefhê. Dit is al wat ek nodig het, om te weet dat jy my liefhet, al is ek hartseer en bang en al weet ek nie wat om volgende te doen nie."

Thursday, January 16, 2014

Liefste Spatzi

Soos ek kyk na die sterre
en ek wonder waar jy is
stap-stap deur die donker
deur die grys ou mis
ek hoor jou roepstem
eggo uit die krans
o, ek mis jou
jou lyf wat in my drome dans

liefste spatzi
met jou hart so klein
waar in die wereld
het jy verdwyn
het daar iets gebeur
waarvan ek moet weet
het daar iets gebeur
waarvan ek liewer moet vergeet

daar was sneeu gewees
dit was koud en nat
kouer as die suide
van my boerehart
ons liefde het geskyn
soos 'n vurk in die pad
terwyl die duiwel op my skouer
my steek-steek tart

Monday, January 13, 2014

Pyn

Ek sny myself vanaand om te sien of ek kan voel,
ek fokus op die pyn, die alleen-waarheid hier.
Die lem skeer 'n gat, die ou bekende pyn
om alles weg te neem, maar ek onthou dit al's.

Wat het ek geword, hoe het dit gebeur?
Almal wat ek ken gaan aan en aan net weg!
Jy kon dit alles hê, my koningkryk van stof!
Ek stel jou net teleur, ek maak jou altyd seer.

Ek dra my kroon van niks bo-op my leuenaarstroon,
vol gebroke idees wat niemand kan herstel.
Onder tyd se waak verdwyn alles wat ek voel.
Jy is iemand anders en ek is steeds net hier.

As ek oor kon begin, miljoen myle weg van hier
sou ek myself steeds hou, ek sou 'n manier vind.
My selfverwyt verdiend, my pyn my eie muur.
Ek wens jy was nog hier, ek wens soms ek was ook.

Friday, January 10, 2014

Se net iets

Sê net iets, ek gee nou op, op jou.
Ek sou die een wees as jy net wou,
sou jou volg orals waar jy sou gaan.
Sê net iets want ek gee nou op, op jou
en ek voel nou so klein, dit was al's oor my kop
en ek weet nou eers hoe min ek werklik weet.
ek sal struikel en val want ek leer nou hoe liefde werk,
soos 'n tenger jong baba leer ek nou eers hoe om te kruip.

Sê nou iets voor ek net opgee op jou.
Ek's jammer ek het probeer deurdring na jou,
ek sou jou volg orals waar jy sou gaan.
Sê net iets want ek gee nou op, op jou
en ek sluk nou my trots, jy's die enigste een vir my
en nou moet ek groet, ek moet gaan,
met een laaste kyk, weet ek dat jy altyd sal bly,
in my hart en my siel, in my diepste honger dors.